إفرح و عافر 🎈
- sally.elakkad
- Nov 17, 2023
- 1 min read
الحياة عبارة عن متاهة مليئة بالاختيارات. وكل اختيار بييجى معاه مسئولية، وبتبقى فيه تبعات.
لما نعمل اختيار وينجح، نبارك لنفسنا ونفرح. بس لو اختيارنا خيش، لازم نعرف إننا لو مغلطناش، مش هنتعلم، والطبيعي أنك تغلط.
في الأغلب، لو ما بتغلطش، ده معناه إنك مبتعملش حاجة ودى حاجة حزينة، يعني بتعيش حياتك في الخوف. كأنك بتدفن نفسك و مواهبك بالحياة. لازم نتحدى ونعمل اختيارات، حتى لو خيشت، عادي. ايه أسوأحاجة هتحصل؟
الحياة بتحتاج لشجاعة وبتحتاج نجرب ونخيش. متخافش من الاختيارات، دى الطريقة اللى بنتعلم بيها كبشر
الحياة حلوة لما نعيشها بشجاعة ونحلم بجد، ونتحدى بكل ثقة، حتى لو وقعنا في مشاكل. دا إللي بيخلينا نكمل ونكبر.
إفرح و عافر 🎈
Comments