🌟 التخطيط للصف التانى: بلا succession planning بلا وجع دماغ
- sally.elakkad
- Nov 17, 2023
- 2 min read
NB: هذا البوست ساخر غير هادف و اى تشابه ما بينه و اى احداث حقيقية ... يوه و انا مالى يا لمبى !
🌟 التخطيط للصف التانى: بلا succession planning بلا وجع دماغ
مش لازم نبذل جهد ونحدد قادة قويين وأفكار مبتكرة، طبعًا لأ! 💼
التخطيط للصف التانى زي زراعة جنينة بس مش حتشوف الوردة تتفتح أبدًا. ليه نحتاج نحدد كوادر متطورة ونكبرهم في الشغل، ونخليهم ياخدوا دورنا لما نروح؟ 🌱
تعالوا نبص على الأسباب إللي هتخليكم تتجاوزوا فكرة التخطيط للصف التانى و توفروا مجهودكم و تحموا وظايفكم
🚀 علشان يعرفوا قيمتك!
ليه نفكر في انتقال قيادي سلس ونبني مستقبل آمن للشركة؟ هنستمتع أكتر بمشاهدة الفوضى والتحسر لما القادة الحاليين يتركوا الشركة ومفيش خلفاء مُستعدين!
💼 عجز الكفاءات: حلاوة الشغل بدون ناس!
متضيعش وقتك في تعويض عجز الكفاءات ومشاكل النقص في العناصر البشرية. استمتع بالتوتر والإثارة وأنت بتدور عن حد يكمل عندك/معاك في اللحظة الأخيرة!
📈 النمو والابتكار: دا مش عندنا!
ليه ندعم النمو والابتكار ونعمل حاجات جديدة لمستقبلنا؟ أحسن نستمر على طول في نفس النهج القديم والعادي. خلينا عاديين عشان الحياة تبقى مريحة! لان هذا ما وجدنا عليه آبائنا
🌟 رضا الموظفين والاحتفاظ بهم: بلاش دلع ده اللى موجود ان كان عاجب
ليه نهتم برضا الموظفين ونحافظ عليهم؟ هنشوف أحسن مواهبنا تمشي و و لا يهمنا لان الموظف ممكن يتبدل عادى، يعنى هو/ هى كانوا بيعملوا ايه يعنى؟ بيبنوا صواريخ!
💡 ثقافة التعلم: بلا علم بلا هم مش هنلعب فى الثوابت على أخر الزمن
ليه نهتم بثقافة التعلم المستمر؟ خلينا مستمرين على العادات القديمة ونقاوم أي تغيير. الوقوف في منطقة الراحة أحسن من السعي للتميّز!
عشان كدا، اتفضلوا استغنوا عن فكرة التخطيط للصف التانى او كملوا تمثيل انها موجودة و اعملوا إجتماعات و بعد كدة متعملوش حاجة بناء عليها! إحنا مش محتاجين نبذل جهد في تطوير أنفسنا و بناء صف تانى لان احنا زى دراكولا "مش فى مص الدماء" لا، مبنموتش!
Comments